A A A

STARFSMANNAFUNDUR

12.09 2017 | Hörđur Högnason

Kristín B. Albertsdóttir, forstjóri verður með almennan starfsmannafund í matsal HVEST á Ísafirði fimmtudaginn 14. september kl. 12:15-13:00

Krabbameinsleit á Ísafirđi

8.09 2017 | Svavar Ţór Guđmundsson

Krabbameinsleit fer fram dagana 14. – 21. september 2017 á Heilbrigðisstofnun Vestfjarða á Ísafirði.

Tekið er við tímapöntunum í síma 450-4500 milli kl. 08:00- 16:00 alla virka daga.

Sjónmćlingar á Ísafirđi

6.09 2017 | Svavar Ţór Guđmundsson

Dagana 18.-20. september nk. verður sjóntaækjafræðingur á vegum Optical studio með sjónmælingar á heilsugæslustöðinni á Ísafirði. Hægt er að panta tíma í síma 450 4500 milli kl. 8-16 alla virka daga.

Laust starf í eldhúsi.

4.09 2017 | Svavar Ţór Guđmundsson

Laust er starf í eldhúsi Heilbrigðisstofnunar Vestfjarða að Torfnesi á Ísafirði.

Um er að ræða almennt starf en í því felst öll aðstoð við matráða stofnunarinnar. Vinnutími er frá kl. 7:00-15:00 alla virka daga auk helgarvakta. Laun eru skv. samningum VerkVest.

Nánari upplýsingar um starfið veitir Birgir Jónsson matráður og Gestur Ívar Elíasson matráður í síma 450 4560 milli kl. 7:00-15:00 alla virka daga. Umsóknareyðublöð fást í afgreiðslu HVest á opnunartíma sem er kl. 8:00-16:00 alla virka daga.

Æskilegt væri að viðkomandi gæti hafið störf sem fyrst.

Fréttatilkynning frá HVest

16.06 2017 | Svavar Ţór Guđmundsson

 

Samkvæmt samkomulagi milli forstjóra Heilbrigðisstofnunar Vestfjarða og Þorsteins Jóhannessonar skurðlæknis og yfirlæknis sjúkrasviðs HVEST, mun Þorsteinn láta af störfum við heilbrigðisstofnunina 15. júlí nk. eftir tæplega 30 ára starf.
Þorsteinn er fæddur á Ísafirði 11. maí 1951 og lauk kandídatsprófi í læknisfræði frá Háskóla Íslands 1977 og hlaut sérfræðiréttindi í almennum skurðlækningum á Íslandi 1985 og í Þýskalandi 1986. Hann lauk Doktorsprófi frá Alberts Ludwigs Universität í Freiburg 1988. Þorsteinn á að baki langan og farsælan starfsferil við sjúkrahúsið á Ísafirði, sem spannar heil 27 ár, auk þess sem hann starfaði þar sem aðstoðarmaður á rannsóknarstofu og á röntgendeild á námsárum 1973-1975 og sem læknastúdent á sjúkradeild.


Árið 1990 kom Þorsteinn til starfa við Fjórðungssjúkrahúsið á Ísafirði, sem yfirlæknir/forstöðulæknir og gegndi þeirri stöðu fram að sameiningu heilbrigðisstofnana á Vestfjörðum í upphafi árs 2015 og hefur starfað sem yfirlæknir sjúkrasviðs HVEST frá sama tíma. Þorsteinn hefur staðið vaktina sem skurðlæknir á sjúkrahúsinu á Ísafirði nánast sleitulaust í gegnum árin, en tók ársleyfi 2012-2013 er hann fór til starfa sem deildarlæknir fæðingar- og kvensjúkdómadeildar Staufer klinik í Þýskalandi. Þorsteinn hefur auk læknisstarfa komið nokkuð að kennslu í gegnum árin, m.a. kennslu hjúkrunarnema bæði við Háskóla Íslands og Háskólann á Akureyri. Þá hefur hann haldið fjölda námskeiða fyrir heilbrigðisstarfsfólk um meðferð slasaðra og bráðveikra og haldið fjölda erinda um læknisfræði og skyld efni fyrir félög og félagasamtök.

 

Þorsteinn hefur gegnt ýmsum stjórnunar- og trúnaðarstörfum í samfélaginu samhliða læknis- og stjórnunarstörfum innan heilbrigðisstofnunarinnar. Hann sinni m.a. sveitarstjórnarmálum á árunum 1994 – 2002 og gegndi þá um tíma stöðu forseta bæjarstjórnar Ísafjarðar og Ísafjarðarbæjar og var formaður bæjarráðs Ísafjarðarbæjar. Þorsteinn hefur setið í ýmsum stjórnum og nefndum og verið virkur í félagsmálum. Þorsteinn á þrjú börn og eiginkona hans er Margrét Kristín Hreinsdóttir hjúkrunarfræðingur.


F.h. Heilbrigðisstofnunar Vestfjarða vil ég færa Þorsteini bestu þakkir fyrir hans mikla og góða framlag til heilbrigðisþjónustu á Vestfjörðum síðustu þrjá áratugina og fyrir tryggð hans og hollustu við stofnunina sem og skjólstæðinga hennar. Óskum við honum alls hins besta um ókomna tíð.


16. júní 2017/Kristín B. Albertsdóttir, forstjóri HVEST

Vefumsjón