A A A

Starfsmann vantar í 95% stöđu viđ rćstingu á HVest

5.01 2016 | Svavar Ţór Guđmundsson

 

Heilbrigðisstofnun Vestfjarða á Ísafirði óskar eftir að ráða starfsmann í 95% ræstingastöðu.

Starfið felst í því að þrífa á bráðadeild, á Eyri, í apóteki, á lager og á fæðingardeild.

Vinnutími er 8-16 og aðra hvora helgi.


Laun eru skv. kjarasamningum.

 

Nánari upplýsingar veitir Kristín Hulda Guðjónsdóttir, ræstingastjóri í s: 860-7445 og/eða á  netfangi: kristinhulda@hvest.is.


Vinsamlegast sendið umsóknir til Heilbrigðisstofnunar Vestfjarða, Torfnesi, 400 Ísafirði.

Umsóknareyðublað er að finna á vefnum www.hvest.is og/eða í afgreiðslu stofnunarinnar á Ísafirði.

Öllum umsóknum verður svarað þegar ráðning hefur verið ákveðin.

STÖRF LAUS VIĐ AĐHLYNNINGU Á HJÚKRUNARHEIMILINU EYRI

23.12 2015 | Hörđur Högnason

Hjúkrunarheimilið Eyri opnar eftir áramótin. Þar vantar bæði sjúkraliða og ófaglærða til starfa við aðhlynningu og skyld störf. Nánari upplýsingar á "LAUS STÖRF".

ÓFĆRĐARAKSTUR

7.12 2015 | Hörđur Högnason

Þeir starfsmenn HVEST, sem þurfa að komast til og frá vinnu í komandi óveðri og ófærð eiga að hringja í Ara Jóhannsson hjá Björgunarsveitinni í s: 858 7922.

Deildarstjóri ráđinn fyrir Eyri og HB

23.10 2015 | Hörđur Högnason

Hildur Elísabet Pétursdóttir, hjúkrunarfræðingur, hefur verið ráðin deildarstjóri Hjúkrunarheimilisins Eyrar á Ísafiði og Hjúkrunarheimilis Bolungarvíkur.

Hildur hefur unnið á legudeildum Heilbrigðisstofnunar Vestfjarða (HVEST) síðan 1997 og sem aðstoðardeildarstjóri á Bráðadeild og Öldrunardeild HVEST frá 2009. Þess utan leysti hún af í 1 ár sem hjúkrunarforstjóri við Heilbrigðisstofnun Bolungarvíkur árið 2008-2009 og vann í 1 ár á Wyncourt hjúkrunarheimilinu í Manchester í Englandi 2011-2012.

 

Hildur lauk BS prófi í hjúkrunarfræði frá Háskóla Íslands 1997 og diplomanámi í hjúkrun hjarta- og lungnasjúklinga frá HÍ 2006. Hún hlaut svo meistaragráðu í hjúkrunarstjórnun frá HÍ árið 2011.

 

Hildur er formaður í Þjónustuhópi aldraðra fyrir hönd Ísafjarðarbæjar og situr í Félagsmálanefnd bæjarins. Hún er í stjórn Vestfjarðadeildar Félags íslenskra hjúkrunarfræðinga og stjórn Héraðssambands Vestfirðinga. Hún situr í stjórn Hjúkrunarráðs HVEST og í Starfsmannaráði stofnunarinnar.

 

Hildur er Bolvíkingur og Ísfirðingur að ætt og uppruna og alin upp í Bolungarvík.

 

Hjúkrunarheimili eru í flestu frábrugðin sjúkradeildum sjúkrahúsa að upplagi, þó skjólstæðingarnir fái svipaða þjónustu á báðum stöðum. Lögð er áhersla á heimilishlutverk Eyrar og HB, þar sem starfsfólkið er væntanlegum íbúum til aðstoðar og hjálpar. Aðkoma aðstandenda og vina íbúanna tekur mið af því, en breytir engu í venjulegri frændrækni og aðstoð við að geta notið lífsins innan og utan heimilisins.

 

Hildur er boðin velkomin til nýrra starfa. Hún mun stýra uppbyggingu heimilanna og aðlögun starfsmanna að nýrri hugmyndafræði við hjúkrun og umönnun.

Breytt fyrirkomulag lćknavaktar á Ísafirđi - nýtt símanúmer

21.10 2015 | Svavar Ţór Guđmundsson

Í dag kl. 16:00 mun fyrirkomulag læknavaktarinnar á Ísafirði breytast. Þá mun vaktnúmerið 863 8000, sem notað hefur verið eftir lokun heilsugæslu, leggjast af en í staðinn eiga þeir sem þurfa aðstoð vaktlæknis eftir lokun að hringja í númerið 1700. Það er númer Læknavaktarinnar sem mun gefa samband við þá heilbrigðisstarfsmenn sem hæfa þykir. Það gæti verið slysadeild á Ísafirði eða vaktlæknir á Ísafirði eða Patreksfirði, allt eftir því hvar sjúklingur er staddur.

Annað er viðkemur bráðatilvikum, þörf á aðstoð, sjúkrabíl eða annað, skal tilkynnt til Neyðarvaktarinnar - 112.

Vefumsjón