Rúnar Örn Rafnsson og Benedikt Einarsson frá BT komu hlaðnir pinklum á sjúkrahúsið nú fyrir stundu. Í tilefni eins árs afmælis BT á Ísafirði ákváðu þeir að færa stofnuninni nokkrar gjafir sem miða fyrst og fremst að því að stytta yngri sjúklingum stundir meðan þeir dvelja innan veggja hennar. Má þar nefna sjónvarp með DVD-spilara, Playstation-tölvu auk 13 leikja og 13 DVD-kvikmynda ætlaðar yngsta fólkinu. Allt starfsfólk HSÍ færir þeim bestu þakkir fyrir frábæra gjöf sem á örugglega eftir að gleðja marga sem hefðu annars átt langa daga á legudeildinni.
Kl. 11:13, 30.11.2005 Hugræn atferlismeðferð á Ísafirði
Undanfarnar vikur hefur staðið yfir hugræn atferlismeðferð (HAM) við kvíða og þunglyndi hér við Heilbrigðisstofnunina. Þessari fyrstu lotu er nú að ljúka en það eru sálfræðingarnir Sigurbjörg J. Lúðvigsdóttir og Sóley D. Davíðsdóttir sem hafa séð um hana.
Kl. 15:28, 21.11.2005 Kvensjúkdómalæknir á Ísafirði
Jón Ívar Einarsson mun verða með móttöku á Heilbrigðisstofnuninni Ísafjarðarbæ frá og með miðvikudeginum 23. til föstudagsins 25. nóvember. Tímapantanir eru í síma 450 4500 milli kl. 8-16.
