A A A

Röntgendeild

Á röntgendeild eru gerðar helstu beinamyndatökur, lungnamyndir, kviðarholsyfirlit og aðrar rannsóknir. Þar má nefna þvagfærarannsóknir, ortopantomografiurannsóknir, grindarmælingar og tölvusneiðmyndir. Einnig eru tekin hjartalínurit á deildinni.
Geislafræðingar sjá um gæðaeftirlit fyrir röntgentæki og tölvusneiðmyndatæki. Að auki sér starfsfólk deildarinnar um tímagjöf og aðra þjónustu við ómstofuna. Við þetta bætist sú pappírs- og skrifstofuvinnu er við kemur röntgen.
Deildin sinnir röntgenrannsóknum, tölvusneiðmyndatökum, hjartalínuritum og ómskoðunum innan spítalans í samráði við aðrar deildir. Röntgendeildin framkvæmir 2.000 – 3.000 rannsóknir árlega.
Geislafræðingar eru við frá kl. 8 - 16 virka daga, en sinna einnig bráðavakt utan dagvinnutíma æski læknir þess.

Hvað gerist þegar þú ferð í röntgenmyndatöku?

  1. Þú eða læknir þinn hefur samband við röntgendeildina og pantar tíma í myndatöku.
  2. Þú kemur í myndatöku með röntgenbeiðni frá lækni, og ferillinn er eftirfarandi:
    • Myndirnar eru teknar
    • Nafn þitt sett á þær
    • Myndirnar eru settar í laserlesara sem færir þá inn í tölvuna
    • Þú ferð fram í móttökuna og greiðir fyrir myndatökuna – og þá er þínum hluta lokið
    • Myndatakan er bókuð í tölvu fyrir talningu á röntgenrannsóknum
  3. Myndirnar þínar eru sendar í skjalageymslu í tölvunni.
  4. Læknar skoða allar myndir á röntgenfundum sem haldnir eru tvisvar í viku.
  5. Yfirlæknir sjúkrahússins les umsagnir um myndirnar á spólu.
  6. Farið er með röntgenbeiðnirnar og spólu til ritara.
  7. Ritari skrifar umsagnir frá yfirlækni.
  8. Yfirlæknir les yfir umsagnir og kvittar undir.
  9. Umsögnum er raðað í skjalasafnið og læknir þinn fær afrit.
    • Þá er hluta röntgendeildar lokið
  10. Þú hefur svo samband við lækninn þinn í símatímanum og hann fræðir þig um útkomu myndatökunnar og ráðleggur þér um framhaldið.
  11. Ritarar ganga frá afritum af umsögnum í skjalasafni heilsugæslunar og sjúkrahússins.

Tenglar

Vefumsjón